ენგურჰესი არის მდინარე ენგურის წყალჩამონადენზე აშენებული, მიწისქვეშმდებარე, სეზონური რეგულირების, 1,093 მილიარდი კუბური მეტრი წყალსაცავის მქონე ჰიდროელექტროსადგური. დადგმული სიმძლავრით 1 300 (5 ხ 260) მვტ და საპროექტო, საშუალო წლიური გამომუშავებით - 3.8 მილიარდი კილოვატსაათი. ელექტროსადგური ექსპლუატაციაში შევიდა 1978 წელს. ენგურჰესის წყალსაცავი მდებარეობს მდინარე ენგურის დინების გასწვრივ 5 კილომეტრით მოშორებით, ღრმა ხეობაში, დაბა ჯვრის მიმდებარე ტერიტორიაზე. ელექტროსადგური კი განთავსებულია კაშხლიდან 15 კილომეტრის მოშორებით, გალის რაიონის სოფელ საბერიოს ტერიტორიაზე.

ამჟამად იმყოფება სახელმწიფოს საკუთრებაში.